Á venda o vindeiro 2 de outubro
Á venda nas principais plataformas dixitais dende o 18 de setembro.

Definir o universo de Silvia Penide non é sinxelo: hai quen se decanta pola Silvia cantautora, outros atrévense a chamala solista pop, e mesmo hai quen pensa que pasea á metade de camiño entre o experimental e o electrónico. Pero o certo é que a súa proposta baséase na sinceiridade [dunhas letras que son parte de seu], na cheganía [dunha velada íntima], na inmediatez [de escoitala a metro e medio], e na dozura… unha experienza que paga a pena atreverse a descubrir.

Cos dous traballos discográficos anteriores, Kiómetros e Invisible (falcatruada 03/05), Silvia Penide xa deixou sobradas mostras da forza das súas cancións. Algúns temas, coma é o caso de Mi Cielo, convertéronse en clásicos dos programas da radiofórmula coma La Gramola, e con elas conseguíu fidelizar a toda unha lexión de fans que se agrupan en torno ao seu foro en Internet. Agora, a cantante coruñesa volta cun repertorio máis maduro baixo o brazo, cunha voz moito máis matizada, coidados arranxos e unha forza emocional que acada cotas de intensidade nunca polo momento desatadas.

Desafinante Crónica foi gravado nos estudos Abrigueiro de Lugo coa produción de Arturo Vaquero e a colaboración dun bo feixe de músicos galegos. Desafinante Crónica é un repertorio de once temas dos que sorprende a forza de Reventaba ou Grandegigante, aínda que segue abraiando a inspiración e o calado de temas máis naïf como Tengo una casa ou Como el aire o como el viento ou Tan Fuertes. Ademáis de ser o seu disco máis elaborado, é tamén “co que máis profundo mergullo no meu propio universo”, como ela mesma di.

Silvia Penide recrea emocións no ánimo de quen a escoita, e faino cunha facilidade que só se pode entender tras achegarse á súa música. Silvia é cercanía, é inmediatez, e sobre todo preséntanos unha proposta musical baseada na sinceridade, onde un trociño dela vai dentro da "caixiña de plástico" que contén o seu novo disco: "Invisible" (falcatruada, 05)

Con tan só 25 anos e catro traballos previos baixo o brazo, Silvia Penide regálanos agora o seu traballo máis maduro, no que a etiqueta de canción de autor se queda corta e non da contido un torrencial creativo e emocional que se alimenta de delicadas aportacións do pop, a electrónica e incluso aproximacións ó folk, sen perder a súa etiqueta máis valiosa: a sinxeleza. Aínda que indudablemente e utilizando palabras de Nonito Pereira son as "pasaxes literarias capaces de establecer unha comunicación útil co auditorio" e a súa intensidade emocional os principais argumentos que lle dan a Silvia Penide unha posición de saída privilexiada na súa carreira musical.

"Invisible" está nas tendas de toda España dende comezos de 2005, e despois de presentarse nas principais cidades galegas, Barcelona, Madrid, Vitoria... en marzo e xuño viaxou nunha xira internacional que a levou a Italia, Eslovenia e Croacia.

Do seu anterior traballo "kilómetros" (falcatruada, 03) vendéronse preto de 2000 copias en pouco máis dun ano e por dúas vías alonxadas da industria musical convencional: a venta en concertos e a venta a través de Internet. Con él recorrera toda a xeografía nacional e levouna ata lugares como Eslovenia, Croacia e Italia, invitada primeiro por membros da Universidade de Filoloxía Española de Ljubljana e despois por promotores locais tralo éxito da primeira incursión internacional. Pero volvendo moito tempo atrás, hai que recordar o camiño andado dende que ós catorce anos tomara por vez primeira unha guitarra e compuxera as cancións que deron pe á súa primeira maqueta "alicerce" (autoeditado, 97) na Radio Municipal do seu Arteixo natal, en A Coruña; dous anos despois repetiría con "azul" (autoeditado, 99) e xa no novo século "mundo de cuerdos" (autoeditado, 01) supuxo o primeiro achegamento a un estudio de gravación.

Silvia Penide deixou a súa impronta en medios tan importantes como o programa de M-80 "La Gramola" onde a súa canción "Mi cielo" foi, mentras o programa era dirixido por Joaquín Guzmán, unha das habituais nas peticións dos oíntes. Tamén é a través de internet cando se pode percibir a trascendencia da música de Silvia na xente que conta con algún dos seus discos, unha visita ó foro da súa web descúbrenos unha auténtica lexión de seguidores que convirten as cancións de Silvia en "banda sonora da súa vida" e que levan a implicación entre oínte e artista a niveis difíciles de entender para calquera alleo á súa música.

"Kilómetros” foi o primeiro traballo de Silvia Penide, unha das máis prometedoras cantautoras de Galicia, cun camiño moi importante por diante e que consegue que as súas cancións non deixen indiferente o estado de ánimo de quen as escoita, cunha gran facilidade para transmitir sentimentos, sensacións e historias.

Cunha producción moi coidada, este disco conta coa colaboración de músicos importantes da escena musical coruñesa, como Víctor Iglesias (colaborador habitual de Mercedes Peón), Alex Fernández (ex-Boulevard) e Pablo Candamio, productor do disco.